團友盧太向本報投訴話，早前參加呢個珠海長隆兩天團，盛惠一千二百八十八蚊，原本諗住開開心心玩兩日，點知去到酒店發覺唔對路，明明寫住四星級酒店，但係間房無冷氣、張床有蟲，而且仲唔畀換房。仲有，原本講到明食佛跳牆，點知變成粉絲蒸蟹。
推個波畀旅行社
黃志勇就話，佢只係負責組織，自己並無跟團出發喎。佢之後向旅行社了解情況，獲告知間酒店突然停電，又有團友唔肯換酒店，所以服務確實差啲，至於膳食方面就唔係太清楚喎！
佢仲話，今次搞到街坊咁唔開心，短期內都唔會再搵呢間旅行社喎！咁輕易就撇清責任，咁街坊下次都可以唔投票畀你啫！