西灣河：僭建舖霸官地多年未拆
「嗰間僭建舖霸咗成三分一條行人路，但從來冇見過佢開過一日舖，連做咩生意都唔知。」在西灣河工作的陳先生指出，太康街有僭建店舖懷疑霸佔官地，惟多年來一直未見清拆，「我喺度做咗五年嘢，就見足個舖位咁耐，霸官地仲要僭建，都唔知政府有冇做過嘢！」
本報查詢逾月 屋署無覆
地政總署發言人證實，涉事地點為政府土地，已張貼告示，要求佔用人遷出並清拆有關構築物，惟因涉事官地仍被佔用，已要求律政司啟動法律程序，以收回空置管有權，從而盡快安排清拆。本報於四月中向屋宇署查詢事件，直至截稿前仍未作任何回應。
「政府自己嘅財產都唔好好管理，地政署同敗家仔有咩分別？屋宇署仲離譜，隔咗成個半月都仲未有回覆！」陳先生坦言對執法效率大表失望，促請有關部門作出檢討，早日落實清拆。