荃灣：咪錶泊位遭回收商濫用
荃灣路德圍設有公眾停車場，但部分咪錶泊車位卻被淪為商用，令有需要駕駛者「有位冇得泊」。在區內工作的李小姐發現，部分泊車位長期被經營回收廢紙廢鐵的人士佔用，「將啲車位當咗好似係回收舖咁，點解警方唔理下？」
未違交通條例 警方束手
警方發言人表示，接獲轉介後派員調查，發現有關貨車停泊在咪錶泊車位內，期間均有繳付費用，未有違反道路交通條例。警方會繼續派員巡邏及留意有關情況，如發現有交通違例事項，將採取執法行動。
「話明係公眾泊車位，大家都有機會用嚟泊車，唔應該用做嚟做生意！」李小姐希望警方加強執法外，亦應檢討有關處理手法及條例，確保泊車位不會被濫用。