公院逐病翁家屬怒斥
六旬老翁因肺炎入住佛教醫院時已陷昏迷狀態，院方與家屬尚未就病人出院問題達成共識，即擅自向監護委員會為病人申請監護令，引起家屬極度不滿。立法會議員及關注病人權益團體均直斥院方做法欠妥，嚴重破壞與家屬的互信關係，亦擔心醫院會慣性將監護令當作解決與病人家屬爭拗的手段，有違法令為看護無自我照顧能力者而設的原意。
「阿爸住咗院一個禮拜，已經有醫務社工叫我快啲辦出院手續，話醫院規定只會畀病人住兩個禮拜，如果唔出院就會是但送佢去一間護老院。」阿玲（化名）的父親於一二年底因肺炎入住佛教醫院，惟不足一周即被催促出院，「阿爸一路都好多併發症，要搵照顧到佢嘅護老院真係唔易，但係醫生話佢唔會理，只係問病人幾時出院。」
阿玲曾多次與院方商討父親病情，卻不歡而散，「每次開會醫生都只係用三分鐘講阿爸病情，然後用成個鐘逼我哋簽出院紙！」及後院方即提出為病人申請監護令，以盡快將其父送到護老院，「佢哋話如果家屬反對就唔會申請，我哋梗係反對啦！點知佢哋最後都申請咗，仲要唔話畀我哋知，到監護委員會通知我哋先知！」最後社會福利署獲得病人監護權，玲父亦被安排至護老院居住，惟入住僅十天即因食道損傷及感染大腸桿菌，被送至明愛醫院。
院方：從病人福祉出發
香港佛教醫院發言人指出，醫生會按臨床判斷安排病人出院，又稱為病人申請監護令的原因不一，主要從病人福祉出發，亦會預先知會家屬及詳細向家屬與病人解釋後方會進行。監護委員會則以保障私隱為由，拒絕評論個案。
「我哋全家人都唔同意醫院申請監護令，明明係佢哋夾硬嚟！」阿玲直斥院方的回應與事實不符，不滿醫院為迫令病人出院而擅自申請監護令。
立法會社會福利界議員張國柱認為，醫院在未有通知家屬情況下擅自申請監護令，做法明顯欠妥，「醫院咁做真係好唔尊重家屬，其實溝通得好啲就唔會有咁嘅事發生，甚至唔需要去到申請監護令！」
組織促解決缺床位問題
「依家醫院單方面申請監護令，絕對會影響咗院方同病人嘅互信關係，所以唔係迫不得已，醫院都唔應該咁做！」香港社區組織協會幹事彭鴻昌則指，有關投訴較常見於復康醫院，但認為院方絕不能慣性透過申請監護令以解決與病人家屬的爭拗。彭要求院方改善與家屬的溝通機制，亦促當局盡快解決公立醫院床位不足問題，以根治相關紛爭。
記者：詹海萍
攝影：黃芷君