港鐵多項工程接連延誤，搞到全城公憤！繼廣深港高鐵香港段工程延誤後，尋日又爆出西港島線工程延誤，而同日南區區議會特別會議上，港鐵高級統籌工程師又承認南港島線（東段）要到年底先知道確實嘅通車時間，路政署人員就賴港鐵提交嘅南港島線工作報告絕口不提工程延誤問題，講到好似咩都唔關自己事咁。南區區議員羅健熙聽到呢啲「歪論」，怒斥港鐵同路政署似做「筆友」多過合作做實事，質疑堂堂政府部門，點會冇人睇得出報告同實際施工上有好大差距呢？
