侯話主席都唔想做
最近地區有傳聞，話侯志強早前周圍問人點樣可以加入滅罪會，疑似搵人搭路加入滅罪會。侯志強回應我哋查詢時話，佢根本冇諗過加入，而且上屆開始時都有人問過佢做唔做主席喎，只係因為佢公務太忙，所以婉拒，絕對冇話過想加入滅罪會。
據了解，全港十八區各有一個滅罪會，要成為當中一員除咗本身冇案底之外，仲要熱心社區、守法守紀、熱心推動滅罪工作，而且要由地區民政事務專員及警方共同推薦先可能獲委任。全港性嗰個滅罪會就對成員嘅要求更高，可能要做咗好多年地區滅罪會主席，先有機會獲委任，所以如果有份獲邀，足以證明身家清白。