天台僭建多時 屋署懶理
「嗰度僭建咗好耐，之前我仲見幢大廈維修緊，以為會拆埋啲僭建啦，點知維修完都仲喺度！」王小姐指大埔鄉事會街有大廈天台僭建多時，無人處理，不滿屋宇署未有嚴厲執法，變相縱容違法行為。
稱已發清拆令
屋宇署發言人證實，有關大廈天台有若干僭建物，已按程序向有關業主發出清拆令，並會先發信給有關業主，要求及早自行安排清拆有關僭建物。
王小姐不滿屋宇署處事散漫，「啲僭建都唔係一朝一夕嘅事，係咪冇人投訴就唔理？有咩理由依家先出信等佢哋自己拆？」王要求當局平日加強巡查，一旦發現有僭建情況應主動跟進，而非接獲投訴才作處理，「幾乎通街都有僭建，如果次次都等人投訴先處理，幾時先可以根治問題？」