探射燈：視像儀有盲點 跟車工睇位較實際
中西區道路特色之一是既斜又窄，過往曾發生不少倒車或溜車意外，區議員建議執法部門須加緊巡查違規司機；貨車業界則指，因倒車視像裝置有盲點不可完全倚賴，建議有跟車工人拍車尾方為上策。
中西區區議員兼交通及運輸委員會主席鄭麗琼曾居住在普慶坊附近，她表示，該路段局限處處，司機有時「冇得揀被迫倒駛」。對於不少「亡命掘頭路」出現危險倒車，她建議司機必須留意路面情況，交通督導員亦應加緊巡查，向違規司機作出警告或發告票。鄭續稱，因地理因素及早期道路規劃，中西區不少既斜又窄的掘頭路潛藏危機，例如機利文新街和南里等掘頭路，仍有不少小型貨車倒駛。
礙於成本 加人手有難度
「有車cam（倒車視像裝置）一定好過冇，但有盲點！」港粵運輸業聯會主席謝浪表示，一般鏡頭會「四十五度角向下」裝在車頂，惟裝置有盲點，「如果突然有人喺側邊行入嚟都係避唔到！」謝又稱，因為貨櫃箱「次次唔同」，貨櫃車拖頭並不能裝設車cam；田螺車和吊雞車等亦只可裝設在車輪上方位置，令鏡頭可拍攝的範圍收窄。他補充，雖然有跟車工人拍車尾更安全，但礙於成本問題，有時司機惟有先落車望清楚才倒車，避免意外。
