半年前捱斬 疑兇 「四眼光」失常

「佢畀人拉咗天下太平」

「四眼光」的鄰居霍先生表示，他兩年前搬入村住，知道「四眼光」獨居，初時覺得他很正常，「佢試過畀金魚我個女養添！」，不過一年前開始，「四眼光」就好似「揩咗嘢咁」，行為異常，經常將家中的收音機和音響校得很大聲，又常傳出剁東西的聲音，又試過扔足球和磚頭。霍稱，「四眼光」曾試過按他家門鐘問：「你知唔知我係邊個？」霍回答：「你係光哥」，豈料兩天前跟對方打招呼時，「四眼光」竟回他一句：「虛偽！」

有村民稱，半年前「四眼光」曾遭人「斬到入醫院」，出院後變得非常消瘦，行徑又怪異，試過深夜用木棍打村內的壁報板。村民廖叔形容「四眼光」：「兇神惡煞，好似想殺咗我咁」、「語無倫次，好似發癲，見到佢都驚，拿拿聲走人！」另一名姓廖村民指「四眼光」有暴力傾向，「依家畀人拉咗就天下太平！」廖稱，前天上午他途經上水中心時，曾向巡警表示「四眼光」近日「好唔妥、佢遲早出事」，警員當時着他「自己小心啲」，豈料隔天即有事發生。