激進泛民主派議員「長毛」梁國雄、「慢必」陳志全及陳偉業尋日在立法會特首答問大會上叫囂同掟嘢，因而被主席驅逐出會議廳，最後亦因為長毛唔肯離開，令答問大會被迫腰斬。有關事件在網上熱烈討論，有網民就話，一早已建議喺呢三個議員座位下安裝機關，並設立通往垃圾站嘅秘道，當有「需要」時，主席一按掣就可以將三人跌落秘道、直接滑出立法會大樓外嘅垃圾站，幾方便呀！呢位網民認真有創意，一來可以慳番保安員人手，二來保安員在執行職務上又冇咁易受傷，一舉兩得。
