阿怡和阿鈴於某大商場任職清潔工人已三年多，某日她們如常於員工休息室內歇息。
阿怡：「阿鈴，你隻手點解紅晒嘅？」
阿鈴：「係呀，近幾個月都係咁，應該係皮膚敏感，有時仲會有灼傷嘅感覺。」
阿怡：「一定係你平時無注意使用化學品安全，又唔用公司提供嘅防護裝備。」
阿鈴：「又戴又除咁麻煩！」
阿怡：「我哋平日工作要用好多化學品，化學品一般可經呼吸系統、皮膚接觸或吞食三個途徑進入身體。根據化學品嘅潛在危險，可引致皮膚敏感、中毒，甚至死亡！」
阿鈴：「但我點樣知道化學品嘅潛在危險呀？」
阿怡：「可以參考化學品容器標籤上嘅基本資料，要進一步認識化學品危害，就要參考供應商提供嘅物料安全資料單。使用化學品時切勿吸煙或飲食；切勿將使用過嘅化學品容器盛載其他化學品，或用未貼有適當標籤嘅器皿盛載任何化學品；切勿胡亂混合化學品，以免產生危險化學反應；用完嘅化學廢物記住要妥善棄置，切勿直接傾倒入排水槽。」
阿鈴：「我知道啦，要用合適個人防護裝備，如防化學品手套、護眼罩、呼吸器、安全鞋同圍裙等，以免直接接觸化學品。」
阿怡：「仲要確保使用化學品嘅地點空氣流通，如果皮膚或衣服沾染化學品，要立即用大量清水沖洗。」
阿鈴：「我明白啦！」
阿怡：「咁依家快啲去睇醫生先啦。」
職業安全訓練局
www.oshc.org.hk