巴士站蚊患 恐播傳染病
「企足半個鐘等巴士，就餵足半個鐘蚊，成身成腳都畀蚊咬到一撻撻蚊瘌！」陳伯需定期到瑪麗醫院覆診，每次均覆診後皆會於院外的薄扶林道巴士站候車離開，近日發現巴士站蚊患情況日益嚴重，「我本身已經有病，陣間畀啲帶病毒嘅蚊咬到，惹到傳染病就大件事！」
市民促食署勤巡查
食物環境衞生署發言人證實，過去一年曾接獲一宗相關投訴，接獲本報轉介後亦有派員調查，發現涉事地點因有沙井積水而孳生蚊蟲，已噴灑除害劑及在附近噴灑蚊油及放置蚊沙。發言人補充，今年一月至三月薄扶林區的誘蚊產卵指數均維持在零水平。
陳伯要求食環署勤加到上址巡查，並在雨季期間多加留意各區蚊患黑點，以保障市民健康，「我哋小市民唔會知佢哋（食環署）嗰啲產卵指數係咩嚟，淨係知嗰度真係好多蚊，想食環署留意吓！」