政情：公民講場：「雞毛鴨蒜」 「鍾」文水皮

向來語出驚人嘅立法會議員鍾樹根（樹根），雖然經常被質疑英文水平唔夠好，但佢懶理外面啲人點睇，前日繼續喺立法會表現佢自創嘅「鍾式英語」，隨即喺網上引發極大回響。尋日佢為自己英文水平辯解，話其實只要溝通到就得，就算係外國人，都冇可能百分百發音準確，因為每個人都有自己口音喎！本來就咁解釋已經好足夠，點知樹根講多錯多，臨尾話唔需要再回應呢啲「雞毛鴨蒜」事情喎。「雞毛鴨血」、「雞毛蒜皮」大家都知係乜，但咩叫「雞毛鴨蒜」呢？睇嚟樹根唔只要惡補英文，連中文都要進修吓至得，唔好再「子虛烏有」嘞！