立法會就財政預算案撥款「拉布」將近一個月，唔少事務委員會都要排晒喺星期一或二開會，班議員由朝踩到晚，開足十小時會議，唔攰就假喇。尋日我哋就喺工商事務委員會開會期間，見到資訊科技界議員莫乃光（Charles）瞓咗一陣搵周公（圖）。Charles承認，當時只係瞌咗一陣，事關早上八點鐘已開會，下午開會咪閉目養神囉，坦言冇乜嘢好解釋喎。睇嚟班議員起碼要捱到月底「拉布」完結，先至有覺好瞓，除非立法會主席狠狠「剪布」啦！
