立法會審議雙倍印花稅（DSD）足足一年有多，為咗盡快通過，政府上星期公布延長香港永久居民「先買後賣」豁免時限，有人就批評呢個決定係「減辣」。財政司司長曾俊華尋日喺網誌死撐唔係減辣，只係考慮咗議員同市民意見，建議切合用家需要，強調買賣時差而導致嘅樓價波動都可以好大喎。當初推出辣招嘅用意係壓抑樓市炒風，以穩定樓市，好讓市民置業，但依家「讓步」反而幫咗啲換樓客，除咗有利新樓盤出貨外，有關消息更刺激樓市再度活躍，會否有違當初原意呢？
