政情：公民講場：包容論招怨Greg蘇有「金」日

商務及經濟發展局局長蘇錦樑（Greg蘇）以「包容論」呼籲港人包容內地旅客街頭便溺，結果「包」出禍！繼早前有網民響應呼籲齊集Greg蘇寓所外留「金」後，原來上周有人坐言起行，分別寄「屎包裹」到Greg蘇嘅政府總部辦公室及寓所，三份包裹內含百分百真屎，連蘇太都慘遭牽連成為收件人，激到蘇太選擇唔再包容，決定報警處理。不過，寄件人可能會失望喇，除咗有可能面對刑事檢控之外，原來Greg蘇正身處法國巴黎出席會議，冇親身打開包裹，睇嚟寄件人要速遞過去畀佢至得喇！