老花亦趨年輕化
「有病人做咗激光矯視手術十幾年，本來好穩定，從未加深過（近視），但近幾年多咗用電子產品後，加深番百幾二百度。」養和醫院視力矯正中心主管張叔銘指，經常使用手機會令眼乾及感到疲倦，由於過於集中用神觀看屏幕，令眼球晶體厚化，導致近視加深，「煲劇就最傷眼，依家十個有八個年輕人熄燈準備瞓之前都會用手機，愈睇愈埋，近視自然加深。」
此外，香港執業眼科視光師協會會長鄭偉澤指，近年老花患者亦趨年輕化，由以往四十歲，下降至現時三十五歲，「十一、二歲嘅小朋友都有成千度近視，二十歲都未夠就有二千度，唔好以為二十幾歲就唔會再加深近視，睇得多手機、電腦一樣會令近視加深。」