金融管理局總裁陳德霖尋日談及香港樓市最新狀況時，一方面話現時仲未百分百肯定樓價已步入下跌周期，金管局仍有需要維持各項壓抑按揭信貸措施，但另一方面佢又話，依家價值六百萬元嘅住宅物業，仲可以問銀行借到七成按揭，青年人仍可以置到業。六百萬樓借七成按揭，即係一次過要畀到一百八十萬首期，以還款期廿五年計算，每月亦要供成接近二萬元，試問香港有幾多普通家庭嘅青年人買得起？年薪超過九百萬元嘅陳總，知唔知乜嘢叫做何不食肉糜呀？
