審計署早前揭發獲盛事基金贊助嘅香港龍獅節帳目混亂，曾任廉政公署調查主任嘅白鴿黨林卓廷繼續追住單嘢唔放，尋日再開記者會狠批龍獅節籌委會召集人陳鑑林「七宗罪」。不過，最奇係林卓廷呼籲曾經參與龍獅節嘅表演者向該黨提供資料，然後讓該黨再轉交廉署或警方商業罪案調查科跟進喎。其實涉事嘅市民可直接向廉署舉報，何解要向該黨提供資料再轉交廉署咁轉折呢？該黨又有咩權蒐集市民嘅資料呢？莫非佢哋呢場騷已經冇晒「彈藥」，要向涉事嘅市民乞求「彈藥」？
