簷篷僭建積水惹蚊蟲
「啲垃圾同污糟水一路積晒喺簷篷上面，根本就冇人清，夏天又就嚟到，咁搞法實惹晒蚊蟲，陣間爆發社區疫症就大件事！」何先生日前行經旺角行人天橋，發現旺角道有後巷僭建多個簷篷，頂部更有積水及垃圾，不但影響環境衞生，更擔心會孳生蚊蟲。
屋署：發信業主促清拆
屋宇署發言人證實，接獲本報轉介後曾到場視察，發現有關大廈後巷外牆有僭建簷篷及伸縮式遮篷，根據現行的僭建物執法政策，該簷篷及伸縮式遮篷屬於須優先取締類別，該署已發信促有關業主盡早自行安排清拆工程。發言人強調，倘有關業主不理會該署勸喻，將按序發出清拆令。
何先生要求屋宇署盡快跟進僭建個案，以趕及於夏天雨季來臨前除去蚊患源頭，「蚊蟲最鍾意喺積水產卵，夏天一到就嚟唔切，一定要快啲拆咗啲簷篷！」