「小妹妹你幾多歲呀？讀緊小學呀，咁我就講一個我小學嘅古仔先啦。」活動甫開始，講古人雄仔叔叔先與在場參加者閒聊一番，故事由其中一名小朋友的年紀帶起，「我喺你咁嘅年紀嘅時候，屋企附近住咗個婆婆，每次幫佢做完嘢，就會送張糖紙畀我哋玩，我哋會拎嚟摺飛機，呼……可以由街頭飛到街尾……」其後，交由每個參加者逐一道出他們的故事，有人說起居住地的變遷和感受；有人憶述與家人共享快樂時光的餐館；有人分享與前度情人的今昔關係。故事題目並無前設，參加者可天馬行空一番，眾人說時手舞足蹈，故事活潑生動，氣氛輕鬆自在。

「每個人嘅經歷都係有意義」

兩年前，文化工作者Albert有感社區急速發展，「香港故事」愈趨單一，本地藝術文化及個人價值觀，往往跟隨社會的主流發展，港人逐漸失去自我認同，「以前大家一直講緊獅子山下嘅故事，依家電視劇講緊律師、醫生嘅古仔，令大家以為唔係咁樣嘅背景就係屬於邊緣，自己嘅古仔就唔係一個值得講嘅故事。但其實每一個人嘅經歷都係唔同，都係有意義。」

戴帽的人仔叔叔講古時七情上面，吸引眾人眼球。

「四圍講古」每月舉辦一場講古活動，男女老幼共享自由吹水平台。

Albert遂與不同領域的朋友組成「四圍講古」，每個月舉辦一次講古活動，男女老幼共享自由吹水平台。搞手之一的Jay認為，講古可讓參加者將生活片段重新連繫，重構社區生活。藝術工作者人仔叔叔指，透過分享、聆聽及溝通，刺激參加者思考，勾起生活點滴，反思在城市發展的得與失，對生活和社區重新產生認同，更可保留每一個珍貴故事，「其實講古仔係人嘅本能，係生活嘅一部分，每個人都唔應該脫離最基本同簡單嘅生活。」

活動的參加者邊歎茶邊聽故事，氣氛輕鬆自在。	雄仔叔叔（左）講故事時手舞足蹈，令參加者津津樂道。	參加者羅生從聆聽別人的故事，勾起往日回憶。

喚起回憶 快樂此中尋

看不見的，就等於不存在？時代巨輪帶走一磚一瓦，但記憶隨身，痕迹不曾被淹沒。在別人的故事中，你尋回甚麼？

羅生當日帶同妻兒參加「四圍講古」活動，聽着其他參加者講述成長的地方及往事，令他憶起中學逸事，「仲記得嗰陣讀男校，對面就係女校，一水浸一班男仔就開心，因為……」說罷，哄堂大笑，「又記得嗰陣深水埗有間舖嘅油渣麵好平，好好食。」記憶如泉湧，羅滔滔不絕地分享。

「今日得着好多，呢兩個鐘透過分享刺激到我思維，我諗番起好多以前嘅回憶，好過睇一場戲！」羅生認為，八十年代講古文化盛行，家家戶戶的長輩都會向後輩訴說故事，是最簡單和直接的溝通交流，亦不至讓生活經歷流失。羅讓兒子參與活動，是希望他們回歸簡單，學會聆聽，「依家好多小朋友掛住低頭玩電腦，遺忘生活最簡單嘅事，其實簡單就是美。」

圖：吳啟偉／文：溫盈盈

提名熱線:3600 9999

Fax:3600 9900

E-mail:like@on.cc