政情：公民講場：先貪湯後宋林 廉署招牌再冚

華潤集團董事長兼黨委書記宋林因涉嫌嚴重違紀違法，雖然被中央「搣柴」，但最諷刺嘅係，宋林喺香港原來仲兼任廉政公署道德發展中心諮詢委員會主席，推廣商界防貪工作，由捲入貪腐醜聞嘅人負責防貪工作認真諷刺。不過，廉署至今依然冇確認宋林係咪被「搣柴」，係真優柔寡斷、畏首畏尾。就好似「貪湯」前廉政專員湯顯明去年被揭發豪花公帑酬酢、送禮及外訪而重挫廉署形象，但廉署查咗成年依然冇聲氣，依家再發生「宋林」事件，廉署等於被兩人拆招牌，相信廉署要就連串貪腐案採取行動，先至有望省番靚個金漆招牌。