有「李漢奸」之稱嘅民主黨創黨主席李柱銘，同「民主阿婆」前政務司司長陳方安生早前充當「現代吳三桂」，老遠跑到美國及加拿大「告洋狀」兼「唱衰香港」，隨即被內地官媒發炮狂轟。昨日再有兩大官媒接力，狠批二人只係「『抱腿取暖』、尋求『關愛』」，背後居心一睇就知，仲不點名批評泛民主派企圖邀請台灣太陽花學運領袖林飛帆來港，係「擁抱台獨、傾慕暴力」，警告佢哋「亂港鬧劇該收場了」！
有關內地官媒評論文章指出，香港泛民向「台獨」取經，近日又公開邀請「反服貿」學運發起人來港傳授「佔領技巧」，指出「『反服貿』演變成為『佔院』激進事件，台灣社會的理想思考尚在生發擴散，香港反對派卻『如獲至寶』，按捺不住興奮心情」，質疑泛民要將香港普選引向邊個方向呢？
另一官媒文章就炮轟有啲人「迷戀西方權威」，點名狠批李漢奸同民主阿婆出訪美加後嘅興高采烈，反映部分泛民「挾洋自重」嘅典型心態，仲話二人喺政改敏感時期直接向西方力量求援，係打擊泛民主派同當局、以至全國民眾之間原本已經脆弱嘅信任，令人民反感。文章警告，如果反對派充當香港法制嘅造反派、對外投降派或引狼入室派，將注定撞牆收場。