澳航玩殘400客26小時
澳航客機接連故障逾廿六小時不能起飛，乘客兩度「上機落機」被玩殘！一班載有逾四百人的澳洲航空航班，原定前晚飛往澳洲悉尼，但因機翼風管故障，起飛時間一推再推，乘客更慘被困機艙近五小時，結果被玩足八個鐘後，始獲通知要延期出發。豈料至昨晚登上同一班機等候起飛時，又遇故障，乘客極為鼓譟，一度與機長對峙理論，惟最後仍逃不過落機再等的命運，其中除約一百人獲安排即時乘另機離港，其餘乘客直至昨晚十時仍然滯留。
故障客機為澳洲航空編號QF128航班，型號為空中巴士A380，原定前晚八時零五分起飛往澳洲悉尼。到澳洲自駕旅遊的Tammy表示，前午五時許，她一行五人登機前，多次接到班機延遲的消息，航空公司派發每人九十元餐券叫他們「食住嘢等」，經一輪擾攘，她們於十一時許始上機。
兩度在跑道「兜圈」後折返
航機於凌晨零時始開動，Tammy稱：「但喺跑道上『兜圈』足足半個鐘都唔飛。四十五分鐘後機長先話『左門風位入風』，起飛驚會有氣壓問題，班機要維修。至一點幾再廣播今晚肯定飛唔到，要我哋全部人落機，但又唔肯開門畀我哋走！」
她表示，等候期間，有乘客鼓譟，又有嬰兒嚎哭，場面一度混亂。至凌晨四時許，乘客始獲准落機。最終澳航讓乘客入住酒店、或每人領取千元現金，航班改於昨晚七時再起飛。Tammy對澳航的安排極為不滿：「好心一開始就唔好叫人上機啦，工程人員維修緊嗰陣，又唔知點解逼人坐喺架機度，玩足我哋大半日！」
豈料昨晚七時許，乘客再到機場，登上同一班機出發，惟航機再次在跑道「兜圈」廿分鐘後折返，因「機錶板顯示出問題」未能起飛，乘客要再次落機，極為鼓譟，有人走到駕駛艙前與機長理論。乘客終於約八時許落機，入住酒店等消息。
澳航今晨回覆：兩事故涉機翼風管
澳洲航空發言人回應，指前晚班機收到座艙有警告訊息，顯示機翼風管有故障，工程人員已就情況作出糾正。至於乘客一度被「扣留」機艙，則因工程檢查需時。今晨零時，澳航發言人再回覆，昨晚的事故亦涉及機翼風管問題。