領匯貴租 朗屏街市半吉舖
朗屏街市服務元朗朗屏邨逾萬人口，在領匯管理下，竟有近半舖位空置，邨民因選擇少而被迫遠赴其他街市購物。檔戶直指空置率偏高與租金昂貴有關，坦言街市人流疏落令經營更為困難。關注團體指出，過往曾有領匯街市因空置率高而改建成老人院等設施，擔心朗屏邨的情況最終亦變成「轉型誘因」，令街市陷入被消失困局！
「喺呢度想買新鮮雞、牛肉都冇，真係好唔方便！」居於朗屏邨的曾太坦言街市選擇少，平日寧願捨近圖遠，前往來回路程逾半小時的大橋街市購物。記者到場了解當日，街市內到處皆張貼招租告示，而正在經營的檔戶寥寥可數，如魚檔與豬肉檔僅分別只有一檔及兩檔；有檔戶擔心街市持續空置或令顧客外流，影響生意。
諸多刁難 想租都難
當區區議員鄺俊宇估計，街市現時有約四成舖位空置，批評領匯未有積極提供租務優惠以改善情況。鄺續稱，朗屏街市自領匯接手兩、三年後，空置率即不斷上升，近年不滿聲音更不絕於耳，「明明有個街市咁好嘅硬件喺度，但啲舖位就偏偏吉晒，聽講曾經有人想租，但領匯就諸多刁難，好多想開舖嘅人都唔易開到舖。」
鄺舉例說，過往曾有商戶於租舖後始發現租約列明舖內不准生火，令經營出現困難；又有人嘗試向領匯申請租舖經營影碟租借，但領匯卻以店舖類型不符現有政策為由拒絕，「街市舖頭愈嚟愈少，啲居民逼住一定要外求，在場檔戶幾努力都冇用，有啲貨物種類冇咗就係冇咗！」
王坤：應設監管機制
「政府當年將屋邨商場、街市同停車場啲配套賣畀領匯，聲稱可以提高效益同埋改善服務，但係依家完全睇唔到有咩改善。」公屋聯會主席王坤指出，公共屋邨設有街市及停車場等設施，原意乃讓屋邨可自給自足，認為領匯任由街市空置大有漠視邨民利益之嫌，要求政府訂立機制以作監管。王又稱，過往曾有空置率高的街市被改成老人院，擔心朗屏街市持續空置，最終可能成為誘因令街市被改為其他設施。
領匯發言人稱，一直積極為街市物色商戶，過去半年亦引入小食、五金及水電工程等檔戶進場，以方便居民。不過，發言人並未就街市的空置率及人流作出回應，只稱街市現已涵蓋魚類、鮮肉、凍肉、蔬果及雜貨等商舖，強調租金合理，而旗下物業整體租用率近年亦持續上升。
記者：林松澧