公民講場：一支酒澳省長落台 貪不盡曾湯仍逍遙

澳洲新南威爾士省省長奧法雷（Barry O'Farrell）喺三年前收受商人送贈一支價值高達三千澳元（約二萬二千港元）嘅名貴紅酒，但冇向當局申報，日前佢終於宣布會為自己嘅劣行負責，決定引咎辭去省長一職。澳洲省長收咗一支酒都要引咎辭職，但睇番香港嘅「絕代雙貪」──「貪曾」前特首曾蔭權爵士及「貪湯」前廉政專員湯顯明，莫講話收禮，仲用盡公帑外訪豪遊、入住總統套房、歎茅台同美食，但依然厚顏無恥喺全港市民面前扮冇事發生，連廉政公署調查都好似停頓晒咁，特別係調查貪曾，查咗超過兩年都未採取行動，變相令兩人繼續逍遙法外。