政情：「候選」變「後選」民記（火羅）爆
東區區議會南豐選區補選下月舉行，以填補區議員梁淑楨嚴重中風而出現嘅議席空缺。提名期結束前一共接獲兩份提名表格，包括民建聯李清霞及民主黨張國昌。兩位候選人近期已經開始落區做宣傳，但有人就喺社交網站上載一張印有李清霞宣傳易拉架嘅相片，發現最底一行字竟然將「候選人」寫錯成「後選人」，有網民就寸爆話，咁選民應該要投票畀邊個「先」呢？
李清霞解釋，因為選舉臨近，有唔少事務需要處理，負責製作易拉架嘅職員一時睇漏眼，所以先會鬧出笑話。佢話事發後已經即時收起有問題嘅易拉架，希望大家唔好介意喎。