中環出更：燕卿拒「跨國」寧掌申訴署
新任申訴專員劉燕卿（Connie）啱啱喺今個月初上任，佢尋日同傳媒聚會時就大爆喺卸任消費者委員會總幹事之後，其實獲得唔少跨國企業集團向佢招手，中國企業又有，美國企業都有。不過，就算呢啲企業幾咁大，佢都不為所動，直至申訴專員公署邀請佢去參加面試，佢就一口應承嘞。
「專員權力大好多」
點解Connie有跨國企業唔做，偏愛申訴專員公署？佢話做申訴專員權力大好多，而且任重道遠，好有意義喎。
Connie仲好開心分享家事，話長居北京嘅囡囡近日返港待產，預產期係六月，不過囡囡好支持佢擔任呢份新工作，所以寧願媽咪返工都唔使陪伴左右。至於公署未來嘅工作目標，Connie就話，會簡化處理投訴嘅程序，要求由相關政府部門直接向投訴人解釋；繼續審研可主動調查嘅課題、多以調解解決投訴個案、多與持份者溝通，並藉着今年公署廿五周年，會製作宣傳短片介紹公署嘅工作。
卓妮