政情：公民講場：盛事「鋒」波 舞出大頭佛

行政會議成員兼立法會議員林健鋒（Jeffrey）由○九年起，就被委任做盛事基金評審委員會主席，至今將近五年。盛事基金向來被質疑撥款益自己友，尋日終於被審計署一腳踢爆，「罪狀」包括誇大創造就業成效、審批欠缺監管、重複資助部分活動等，好似「香港龍獅節」就連續三年獲批撥款過百萬元。係人都知道，舞獅時例必有大頭佛喺前面帶路，今次Jeffrey真係舞咗個「大頭佛」出嚟嘞，唔知佢可以點拆呢？不過，佢任期就快完結，睇怕政府都寧願委任第二個做主席，以免佢繼續搞出「大頭佛」喇！