內地婦抱女店舖「便溺」 網民狂轟
【本報訊】網上再流傳疑似內地旅客隨處便溺相片。相中一名女人抱着小孩蹲在運動用品店內，似正讓小朋友排泄。上載相片的網民描述，期間店舖職員阻止但不果：「個女人畀個職員話，都若無其事，再被領隊罵都繼續，呢個行為持續十分鐘，直至完事，激到個領隊發脾氣走人。」不少網民狂轟內地人不顧衞生。
店員領隊阻止無果
上載相片的網民稱友人親眼目睹年約廿多歲的自由行女人抱住女兒，在紅磡一間運動用品店內蹲下讓女兒「方便」，有客人向職員投訴，職員及領隊均出手阻止，但對方繼續讓小朋友「完事」。
網民質疑強迫購物
有網民稱：「間舖真係多得佢唔少！」有人質疑因領隊強迫團友購物所致：「紅磡？又係封閉式購物中心之類？係咪領隊同人講唔買嘢唔畀走啊？」
有網民指相中母女背向鏡頭，亦沒有糞便相片，根本未能確定事件及相中人身份。