新渡輪碼頭地滑跣乘客
「咩都唔做，求其放個『清潔進行中』啲牌出嚟以為就可以免責，唔通跣親人佢哋就可以冇責任？」黃小姐日前在中環五號碼頭候船到長洲，發現地面因天氣潮濕而十分濕滑，市民趕登船時險象環生，惟未見任何防滑措施，不滿新渡輪未有保障乘客安全。
新渡輪發言人表示，中環五號碼頭屬非密封式設計，加上位處岸邊，易受潮濕天氣影響，職員於霧季期間會視乎情況放置「小心地滑」告示牌和開動吹風機，並以廣播提醒乘客注意地滑。
促全日開吹風機
「嗰日我就見唔到有吹風機，唔通咁嘅情況都仲未使做嘢？如果跣親啲老人家就大件事！」黃小姐要求新渡輪檢討現有的指引，規定潮濕季節全日開動吹風機，或擺放防滑地氈，以避免地面濕滑對市民構成危險。