窗花強加護欄房署擾民
房署強行為公屋住戶加裝鋁窗保護欄，被指製造家居陷阱！青衣長亨邨有單位鐵窗老化，獲房署安排更換新鋁窗，卻同時被要求為鋁窗加設保護欄，住戶擔心體積龐大的保護欄易令幼兒「撞頭」受傷，房署卻以「唔裝就扣分」威脅，直至接獲本報轉介始擱置方案。關注團體認為新加保護欄實際效用成疑，或未見其利先見其害，要求房署檢討。
「個鋁窗本身已經有窗花同鎖，點解仲要加個保護欄？唔裝又話要扣分，但個欄唔單止大舊，仲凸晒出嚟，我嗰幾個小朋友咁細，撞穿頭咁點？」何先生為長亨邨租戶，早前發現舊有鐵窗老化，遂向房署申請更換鋁窗，未料裝窗僅數月竟突接獲房署通知，被要求再於鋁窗外加裝保護欄。
須打爛間隔牆兼房中燒焊
何指工人曾帶同保護欄上門並解釋安裝細節，發現保護欄安裝後會凸出牆身逾吋半，且高度與家中三名分別只有一歲、兩歲及五歲的女兒相若，擔心幼兒會撞至頭破血流，但辦事處職員卻拒絕叫停工程，更表明「如果唔裝就扣分」。
何先生指加裝保護欄一事除危及幼女安全，亦因安裝需時，令家人大感困擾，「裝個欄已經夠無聊，啲職員仲講到明話會打爛我兩間房幅牆，要喺間房中間度燒焊，再逐條鐵駁，有冇搞錯？」
青衣南居民聯會總幹事盧婉婷亦認為房署做法擾民，「房署堅持話由住戶安全角度出發，又話個措施係有數據支持，但問題係新鋁窗已經有窗花，無端端逼住戶整多個欄，反而用舊鐵窗嗰批就唔理，根本一啲都唔實際！」盧又指有關保護欄體積龐大，無法以升降機運送，需於單位內燒焊安裝，將來保養維修亦存在困難，要求房署叫停方案。
長亨邨物業服務辦事處發言人未有正面回應事件，只稱為有關住戶安排更換新鋁窗後，正研究優化保護欄設計，強調將與住戶保持溝通及考慮其意見，冀設計同時能兼顧家居安全及生活需要。
「唔明點解係都要夾硬嚟」
何先生指本報介入後房署雖已暫時擱置方案，卻未有提出任何改善措施，「啲職員仲話遲早都係要裝番個欄，真係唔明房署點解係都要夾硬嚟！」
「部門啲高層好多時都淨係坐喺辦公室、飲住咖啡去諗呢啲所謂保護措施，根本就冇落去啲單位、設身處地了解住戶嘅實際環境同需要，講到尾就係紙上談兵！」公屋聯會主席王坤認為，房署強迫住戶加裝保護欄未見其利先見其害，要求當局盡快檢討。
投訴組