探射燈：「女神頭」唔係個個襯

問卷調查顯示有九成女性曾將秀髮偏放一邊肩並頭側側。（資料圖片）

「三、四年前開始興起，由歐洲嗰邊傳入，睇落去有女人味啲！」髮型師游光表示，長髮女性將頭髮全部放於一邊肩膊，可令頭髮顯得豐滿，但並非人人適合該髮型，「鵝蛋面形最靚，方形面就千祈唔好，顯得腮更大！」游補充，該髮型配襯曲髮和挑染，可營造層次感，凸顯面部輪廓，另外，如襯無肩帶上衣和佩戴單邊垂吊耳環，效果更錦上添花。

家庭醫生關嘉美提醒，「側頭族」女性應先紮好頭髮和把劉海夾好，免因「就住把頭髮」側頭，並保持頸椎挺直。

女生看法 黃小姐（大學生）︰「將頭髮放埋一邊？有呀！因為南韓嗰邊興，我試過因為咁而感到頸梗，聽到會影響頸椎都幾擔心；至於低頭玩電話好難一時三刻改到。」

黃小姐（大專生）︰「我會間唔中有呢個髮型，因為可以有多啲style嘛，以後會留意番，唔會咁長時間側頭。」

網民揶揄 矯揉造作

此外，不少網民亦揶揄「女神頭」少女，以漫畫諷刺她們長期「瞓厲頸」（落枕頸），加上誇張的妝容和倒模的衣着，扮成「ＡＢＣ」和南韓少女，又暗示她們矯揉造作。大學生翁小姐認為，「女神頭」具貶義，氣質能否配襯因個人而異，「唔係個個都襯，唔通逢將頭髮撥埋一邊就係女神咩？我就唔buy囉！」