港鐵喊加價，加幅達百分之三點六，電視街訪市民，多數受訪者說不該，但又有人的反應是「預咗o架啦！」甚且有加幅小過預期便算偷笑之意。港鐵喊完，又輪到九巴喊加，加幅又要多過港鐵，年年如是，市民反應照樣「預咗o架啦！」
正所謂好的不靈醜的靈，夠膽講九巴加完，縱然紅隧不加，自不然又輪到東西兩條隧道堅持喊加，特區市民最大本事，照舊還是那句「預咗o架啦！」其實，幾十年前，歌神已經唱「冇法喇！冇法喇！要加就加，總之慣喇！」
朋友在商場開舖做小生意，預算一年收回裝修成本，第二年收支平衡，第三年有盈利。世事又豈會如此理想？三年租約期滿，只能做到第二年的預期；業主一錘定音，無得商量，勢要加租三成，朋友一聲「預咗o架啦！」不怪業主加租，只怪自己沒能做到預期，三年之後又三年，於是乎又開展第二個三年計劃，延長營業時間，繼續苦追那三成租金差額。
經濟上要追數，政治上也差不多，整天有人說爭取民主，立法會功能組別照樣存在，分組點票不會取消，一樣是「預咗o架啦！」輪到政改，話明普選特首，結果是投票人人有份，提名權照舊萬中無一，縱然有人提出佔中，但特區市民照樣稟性如一，大家都心裏有數，能爭取幾多，「預咗o架啦！」
港鐵一鐵獨大，獨市生意年年加你價，到頭來居然有人說加得好，加幅再高些更合理。凡事「預咗o架啦！」結果底牌人人都知，香港人表面看來挑通眼眉，查實事事只懂逆來順受，到頭來不過讓人看扁，只會做順民。好一句「預咗o架啦！」民生加你價，政治思想一樣加你壓，香港人預得幾多！