手推車堆滿雜物 屈地街傳異味
「次次行過都一大陣味，都唔知幾耐冇洗過街，臭到要兜路行！」西營盤居民張小姐不時行經屈地街，發現行人路堆滿手推車、紙皮箱等雜物，卻未見有人清理，近日更傳出陣陣異味，「已經唔係第一日係咁，真係忍無可忍！」
食物環境衞生署發言人承認，過去一年共錄得五宗相關投訴，接獲本報轉介後亦有派員巡查，發現垃圾後已即時安排潔淨服務承辦商清理。發言人承諾將繼續留意涉事地點情況，並加強巡查及清洗。
促密切監察 加強洗街
張小姐證實，上址衞生現已有所改善，但直指問題已持續多時，要求當局日後需作密切監察，「希望食環署唔係得個講字，之後真係會密啲去巡，唔好再等到市民搵傳媒投訴先做嘢！」