早兩日我哋預告過人稱「李漢奸」嘅民主黨創黨主席李柱銘同「民主阿婆」前政務司司長陳方安生「行孖必」出訪美國「唱衰香港」，話口未完，佢哋喺紐約當地周一已率先應亞洲協會（Asia Society）邀請出席研討會，為期兩星期嘅唱衰香港之旅正式揭幕。
李漢奸喺研討會上猛講香港民主，查實向老美告「御狀」，佢直指中央冇兌現承諾，不斷透過中聯辦控制香港所有重要決策，又話香港依家咁，係脫離咗已故前領導人鄧小平對香港描繪嘅發展藍圖。李漢奸又話，大部分香港人並唔係想要獨立，他們只係希望有一定嘅自主權喎。
啱啱公布政改方案嘅民主阿婆，當然唔放過任何向老美硬銷政績嘅機會，仲話台灣佔領立法院行動係對中央嘅提醒添。佢仲話，希望中央讓港人相信，中央喺香港所做嘅一切係符合《基本法》喎。
不過，民主阿婆應該搞清楚，提出《基本法》以外嘅公民提名係泛民主派提出嘅，真係唔知邊個唔符合《基本法》嘞！
講到尾，李漢奸同民主阿婆「唱雙簧」唱衰香港，都係想藉美加之旅乞求老美喺背後發功幫佢哋出句聲，但觀乎依家嘅國際大形勢，老美點敢睬佢哋吖，最多咪應兩句敷衍吓佢哋囉！最弊係佢哋依然樂此不疲，稍後仲會到訪華盛頓、渥太華、多倫多同溫哥華巡迴唱衰香港，莫非佢哋真係嫌香港唔夠亂？