探射燈：體虛 孕婦 心臟病咪亂試
刮痧療效被廣泛推崇，惟有中醫提醒刮痧並非「萬能」，體虛人士、孕婦及皮膚病患者更切勿進行刮痧療程。
西醫則表示，刮痧有輔助性質，紓緩部分病徵，但對其治療功效存疑。
「勿神化功效」
香港中醫師公會會長關之義指，刮痧可將體內熱氣透發至體表外，具活血、去瘀及散熱功效，主要治療感冒、肌肉痠痛等病症，但體虛者、孕婦、皮膚病患、心臟病患者切忌接受刮痧治療，「我要強調，唔好將（刮痧）療法神化同無限放大，亦唔好將自己當做『白老鼠』，自己治療疾病，有咩事都係去搵番專業人士。」
家庭醫生關嘉美則認為，刮痧並不能當治療手法，只具輔助功效，病人刮痧要適可而止，「刮痧好似感冒飲多啲熱水同沖熱水涼咁，都係紓緩作用，唔可以用嚟醫病。」