政情：今日你上鏡：處理僭建欠「佳」 拍屁股走人

任內工作備受批評嘅屋宇署署長區載佳，尋晚喺一間酒樓舉行榮休晚宴，共筵開十七圍。除咗佢家人及署內同事撐場外，是非多多嘅發展局局長陳茂波同常秘周達明都有去餞別。區載佳唔使再面對要求佢落台嘅員工，又唔使理做極唔完嘅僭建問題，心情梗係靚喇，所以未開席前，佢就唔客氣大展歌喉，帶領一班同事上台大合唱《獅子山下》。