政情：公民講場：林鄭講錯嘢「一錘」揼親腳

立法會議員郭家麒喺上星期三出席政改閉門早餐會後大爆會議內容，聲稱政務司司長林鄭月娥講過政改方案「冇Plan B」嘅言論，即時被林鄭反駁佢講嘢「不盡不實」。不過，林鄭鬧完人唔夠三日即刻「現眼報」，佢前日出席基本法推廣督導委員會舉辦嘅普選行政長官研討會後，話北京大學法學院教授饒戈平申明公民提名及公民推薦有違《基本法》嘅言論，有「一錘定音」嘅效果，惹來泛民主派質疑政府無心做政改諮詢。林鄭知衰後尋日急急腳出來澄清補鑊，話當日講「一錘定音」只係總括與會者所言喎，原來林鄭同郭家麒講嘢都係一擔擔！