店舖遮篷掛貨 恐塌下傷人
「搵啲帆布同竹枝搭咁大個篷，仲要喺下面掛晒貨，咁重冧落嚟仲得掂？屋宇署啲職員平時到底做啲乜？」陳先生早前到鴨脷洲市政大廈熟食中心用膳，離開時發現出入口對出一列店舖均設有大型帆布蓋頂，疑屬僭建並恐有隨時塌下危機，不滿屋宇署執法不力。
屋署將發清拆令
屋宇署發言人指出，職員到場視察時，發現大部分店舖均在面向市政大廈舖面以繩索加置帆布蓋頂，因有關蓋頂不屬建築工程，不受《建築物條例》規管。發言人續稱，個別店舖於舖面建造伸縮式遮篷，部分已超越「小型適意設施」準則，屬須優先取締類別，該署將向有關人士發出法定清拆令。
陳先生坦言不滿屋宇署「唔踢唔郁」，未有積極履行職責，要求檢討並以實際行動回應市民訴求，「下下都要收到投訴先做嘢，咁樣點可以保障到市民安全？」