有遊日旅客稱買到平貨，滿載而歸，惟亦有人因退稅排長龍感到不滿。有旅遊作家提醒，如要退稅，需至少早三小時到機場，他又建議旅客隨身攜帶銀聯卡及要預先留意名牌價目，才能買到平貨。
「依家港元對日圓由十蚊跌到七個幾，退埋稅，買嘢就好似打咗個七折。」遊日港人林小姐認為，現於日本購物比以前划算，但旅客陳生卻不滿退稅安排：「我今次喺日本買咗衫同袋，但喺機場排咗好耐隊先退到稅，差啲趕唔到班機。」
旅遊作家項明生指出，近幾年遊客數目大增，令多個國家的機場退稅櫃位出現人龍，「大多數退稅櫃位只有一個職員，如果要退稅最好預早三個鐘到機場，以免趕唔切上飛機。」他同時提醒港人，外國有不少大型商店設有即場退稅服務，旅客購物時要隨身帶備護照，方便即時退稅。
「如果去日本最好帶埋銀聯卡，因為某啲商場例如喺丸井商場購物，會有九五折優惠，再退埋稅就已經平咗一成。」項明生提醒旅客，去旅行前要做足功課，如果想買名牌，最好預先上網查明不同國家價錢及退稅率，格價之後才購買。