《明報》前總編輯劉進圖遇襲案成因撲朔迷離，警務處處長曾偉雄早前指暫無證據顯示同新聞自由有關，但前律政司司長黃仁龍尋日獲香港大學頒授名譽法學博士，致詞時仍將劉進圖遇襲案和新聞自由拉上關係，形容事件係對言論及新聞自由響起警鐘，強調不能令兇徒逍遙法外喎。其實黃仁龍曾出任律政司司長近七年，應該明白「未審先判」必定無客觀事實支撐，是否政治高於一切，佢自己都係讀法律，應該心中有數。
黃仁龍又話，聽到有批評指部分年輕人逃避來自香港以外嘅競爭，並選擇不同種類保護主義或逃避主義。
他指出其中所謂「本土文化」，好可惜被利用為逃避競爭嘅藉口，另外有部分人更選取部落化方式，直指有人喺有限資源競逐中，有不容忍、指摘或公然衝突等行為，擔心或會令香港沉淪。佢又話隨着中港兩地喺社經方面融合，要提高警惕維護法治，直指金錢帶來腐敗，巨額金錢帶來嚴重腐敗。