存鈔機故障 逾月未維修
中銀存鈔機故障逾月未維修，市民大感不便！陳先生指設於天水圍新北江商場的中國銀行存鈔機故障逾月，市民需排隊使用櫃台服務提存鈔票，大感不便，「嗰張『維修工程進行中』貼咗成個月，有乜理由仲唔去整？搞到入錢都要喺櫃台排成個鐘！」陳又指該存鈔機屬新置設施，使用不久即告故障。
中銀被指漠視市民投訴
中國銀行發言人表示，位於新北江商場的嘉湖山莊分行存鈔機日前已完成維修，現已重新開放予客戶使用。發言人對於存鈔機故障令市民不便致歉。
「係要搵《東方》投訴佢哋先去做嘢，我之前都有同佢哋投訴過，但佢哋根本唔理我哋呢啲小市民！」陳先生批評中銀未有認真處理市民的投訴，漠視市民需要。