探射燈：驚睹慘劇 父子同患精神病
意外中的受害人除了死傷者外，還有汀九村的村民。許氏一家被事件困擾多年，家園被防撞欄支架所毀，需花費重建屋頂，而許伯及兒子更一度被夢魘纏繞，患上精神病，但這一切卻只值八千元。
「（巴士）就喺燈柱嗰度跌落嚟！個防撞欄插穿咗我間屋呀，好彩無傷到人！」意外當日，許婆婆的兒子正在房間休息，防撞欄的鐵枝突然「插穿」屋頂，壓斷橫樑再飛彈出屋外。由於橫樑被毀，許婆婆事後需花費二萬元修建家園，「政府嗰時就係畀咗八千蚊我哋，當交通費出去住住先！」
成日「撞鬼」 兩年始康復
事件發生後，許婆婆的丈夫許伯不時「撞鬼」，他說：「成日聽到有『人』叫救命，嗌好痛，但根本無人，又成日發噩夢見到嗰日嘅嘢。」許伯伯及兒子因未能擺脫陰影而患上精神病，要不時約見精神科醫生，事發後兩年才康復。對於這一切，許婆婆只慨嘆：「（政府）畀咗八千蚊就唔理我哋！不過都過去咗，人無事就算啦！」