政情：今日你上鏡︰「袁」本單眼皮

曾經選過港姐、前年立法會選舉憑住一副甜美笑容吸引唔少宅男嘅人民力量主席袁彌明（Erica），原來讀小學時個樣同依家好唔同。尋日網上流傳一段短片，係Erica小學四年級時接受兒童節目《430穿梭機》訪問，講吓對寄宿學校嘅感受。當時Erica係左眼雙眼皮，右眼單眼皮，皮膚又黑，同現時白皙膚色，眼仔大大兼雙眼皮，簡直判若兩人。
袁彌明
袁彌明

出現咁神奇嘅情況，相信大家都會聯想Erica係咪整過容，但Erica就解釋，原本佢兩隻眼都係單眼皮，所以一直都希望眼皮「單變雙」，點知去到四年班時，左眼突然變咗雙眼皮，到六年班仲連右眼都變埋雙眼皮添，強調自己冇整過容喎。事實上，的確有人嘅眼皮自動由「單變雙」嘅。Erica現時正參選南區區議會海怡西補選，其餘參選人包括新民黨陳家珮、民主黨單仲偕。

袁彌明小學四年級時
  • 袁彌明小學四年級時

（互聯網）

第一手消息請下載on.cc東網iPhone/iPad/Android/Windows Phone Apps