政情：公民講場︰唔只AV仁 仲係o靚模仁

民主黨立法會議員何俊仁早前公然喺財政預算案宣讀期間公開睇內地、日本性感模特兒艷照，除咗浪費納稅人金錢外，仲被外界封為「AV仁」，真係醜到要搵窿狷。雖然民主黨內部包庇AV仁，最終僅罰款了事，但「香港婦女聯盟」約二十名成員尋日就拉大隊到AV仁位於屯門嘅地區辦事處示威，批評AV仁浪費公帑、踐踏女性尊嚴，要求佢盡快辭職。不過，辦事處職員就辯稱何俊仁唔係睇AV，只係睇少女模特兒（o靚模）相片喎。其實兩批人都理解錯咗「AV仁」稱號來源，咁叫佢唔係因為佢睇AV，而係有網民發現佢同一位日本AV男優樣貌同外貌都好相似，於是就幫佢改咗呢個稱號嘞！