旺角街頭亂棄建築廢料

「啲人想慳返唔畀建築廢料處理費，就當正條馬路係垃圾站，搞到一地都係泥頭同竹棚，真係好冇公德心，如果個個都係咁仲得了？政府真係要落力啲打擊！」張小姐近日行經旺角砵蘭街，發現路邊堆滿建築廢料，現場則一片沙塵滾滾。

環境保護署發言人指，派員巡查時發現上址有建築廢料，已要求路政署盡快清理，並進行埋伏行動，惟未有發現非法傾倒者。發言人續指，該署會從宣傳着手，要求正進行裝修的單位業主及管理處留意情況，並提醒承建商及裝修工人妥善處理建築廢料。

張小姐指出，近年非法棄置建築廢料問題漸趨嚴重，認為環保署鼓勵承建商及業主自律的同時，亦須嚴懲違例者，「如果唔罰得重，就會畀人覺得隨街掉建築廢料冇後果，又可以慳番處理費，政府一定要針對呢種心態去落力執法同教育！」