港大民意研究計劃日前發表民調，指市民對新一份預算案嘅評分唔合格，而且仲愈跌愈低，但財政司司長曾俊華大可引述政協常委李家傑嘅言論，反咬港大民研嘅調查唔客觀，專喺啲關鍵時刻發表不利政府嘅結果。之不過，另一調查機構香港研究協會尋日亦發表民調，同樣指出市民對今份預算案嘅滿意度差過去年，過半數受訪者認為紓困措施過少，質疑預算案重基層、輕中產等，鬍鬚曾今次冇得抵賴喇！
