政情：楊孫西託盧文端 派茶贈友

前政協常委楊孫西出晒名識歎茶，經常送靚茶畀朋友品嘗。佢去年已經退任，唔使再跟大隊上京開會，但就依然記掛住一班茶友。早前佢專程委託好兄弟政協盧文端幫佢將至愛嘅湖南黑茶分贈好友，盧文端親自將已有五十年嘅湖南黑茶送畀陳鑑林同汪明荃。聽聞黑茶愈陳愈香，仲可以幫助消化同埋解油膩，人大政協們呢兩個星期有排應酬食飯，最啱泡嚟飲，消吓滯喇！