店舖貨物霸道 途人逼行馬路
「日日行過都見到擺晒啲貨出嚟，有時連馬路都擺埋，啲人仲企晒喺馬路出面揀貨，真係好牙煙！」呂小姐指觀塘瑞和街為居民購物熱點，不少店舖會將貨物放於行人路擺賣，幾乎每日如是，令行人路擠得水洩不通，途人更需走出馬路才能通過，險象環生，「嗰度平時都多老人家行，萬一出意外邊個負責？」
罰則過低 治標不治本
食物環境衞生署發言人證實，巡查時發現有部分商戶擺放貨物在行人通道，造成阻礙，已向違例人士提出六宗檢控。發言人又稱，過去一年曾接獲三百多宗有關投訴，並向違例店舖提出八百多宗檢控。
呂小姐直指上址店舖阻街情況毫無改善，認為當局罰則過低，令問題久未能根治，「一年有成八百幾宗檢控，但都冇改善，食環署就好似冇牙老虎咁，係咪應該檢討下？」